Euskaraldia

Euskaraldia 2020

Aurtengo Euskaraldiaren prestaketa lanei begira, Euskaraldiaren Portugaleteko Batzordea, herritar guztien parte hartzerako zabalik dagoen taldea, 2019an hasi zen jardunean eta bere lehen bilera egin zuen urriaren 9an Santa Klaran. Horren ostean beste hiru bilera etorri ziren, 2019ko azaroan eta abenduan eta 2020ko otsailean eginda. Bosgarren baterako deia ere egin zen, 2020ko martxoaren 24an egiteko, baina, alarma egoera deklaratuta hamar egun lehenago, bertan behera utzi behar izan genuen. Hala ere, beste bat egin genuen, bideohitzaldiaren bitratez egin ere, apirilaren 15ean.

Horren bitartean, koronabirusaren hedapena ekiditeko hartutako neurrien artean, Euskaraldiaren antolatzaileek herri batzordeei zuzendutako formazio eta saguntza saio birtualak antolatu ohi ditu. Bi saio mota eskaini dituzte: batetik, galdera-erantzunetarako tarteak, entitateekiko lanaren inguruko zalantzak argitzeko, eta bestetik, “Nola joan entitateetara?” prestakuntza saioa.

Handik gutxira Etxealditik Euskaraldira izeneko ekimena ere plazaratu zuten antolatzaileek, etxean itxita egon bitartean, hausnarketa egin genezan geure hizkuntza ohiturei buruz. Etxealditik Euskaraldira apirilaren 13tik maiatzaren 3ra arte garatu zen. Argitaratzeke dago horren gaineko ebaluazio-txostena.

Alarma egoerak halaber ekarri du berez 2020ko Euskaraldirako aurreikusitako epeak geroratu beharra. Horiek horrela, entitateek izena emateko epea hasiera batean uztailean itxi behar zen; orain, berriz, irailaren 27ra arte gongo da zabalik. Dena den, Portugaleteko entitateek erantzun bikaina eman diote honi, azken txostenaren arabera (apirilaren 30ekoa), gure herriko bost entitate badaude jadanik izena emanda eta kopuru hori, Bizkaiko batez bestekoa kontuan izanik, oso ona da.

Euskaraldiaren hurrengo mugarria maiatzaren 26an izango da, Bizkaiko Foroaren bilera birtuala egiten dugunean. Ordutik aurrera emango dizuegu argibide gehiago.

Portugaleteko Udala
Solar Plaza, z/g - 48920 Portugalete - Bizkaia - Telefonoa: 94 472 92 00