Familia

Udalak indarrean dituen ESEPek (Euskara Sustatzeko Ekintza Plana, 2018-2022) hauxe dakar “Familia bidezko transmisioa” izeneko atalean:


Familia bidezko transmisioa
Familia da haurrek euskara ikasteko duten lehen gunea; esparru honetan Portugaleteko Udalak aparteko lana egin nahi du, guraso, ikastetxe eta euskaltegiekin elkarlanean. Egun, Portugaleteko 20 urtetik beherako haur eta gazteek euskara ezagutzen dute; euskarari espazioak eskaintzea gakoa da, erabilera handitu nahi bada.


Helburu zehatzak

  1. Herritarren artean euskararen aldeko jarrera eta eleaniztasunaren onurak lantzea
  2. Euskararen arnasguneak baliatzea eta berriak sortzea; batez ere, eskolatik kanpo eta eskolan bertan
  3. guraso eta umeentzako arnasguneak sortzea eta elikatzea
  4. Gurasoei euskara eta euskal kulturari lotutako produktuak ezagutarazi eta eskura jartzea
  5. Guraso, gurasogai eta aitona-amonengan eragitea hizkuntza ohiturak umeengan duten garrantziaz jabe daitezen
  6. Bikote euskaldun zein mistoen kasuan, seme-alabekiko hizkuntza-jokabideak lantzea

Ekintzak

  • Sentsibilizazio kanpainak zabaldu guraso, gurasogai eta familientzat oro har. Arreta berezia jarri DBH eta Batxilergoko ikasleen gurasoengan.
  • Umeak eta familiak biltzen diren inguruetan, euskarazko giroa sustatu (parkeetan, ikastetxeetako patioetan,ludotekan...)
  • Euskarazko produktuen inguruko informazioa zabaldu euskarri desberdinak erabilita
  • Gurasoen hizkuntza-jokabideak lantzeko, hizkuntza-tresnak ezagutzeko... lantegiak eskaini
  • Gurasolaguneko ekintzak indartu
  • Familia osoarentzat ekintzak antolatu: txangoak, eskulan tailerrak...

Eragiteko sektoreak
Gurasoak, gurasogaiak, aitona-amonak.


Arduradunak
Euskara Zerbitzua, ikastetxeak, guraso elkarteak.

Portugaleteko Udala
Solar Plaza, z/g - 48920 Portugalete - Bizkaia - Telefonoa: 94 472 92 00