Arloaren Helburu Orokorra, Udal Gobernuaren erantzukizuna den neurrian, bere jarduketa-eremuan langabezia murrizteko borrokan "laguntza txikia" egitea da; langabetuekin ekintza zuzenak eginez eta hauen eta enpresa ehunaren artean bitartekari lanak eginez.

• Langabetuen prestakuntza hobetu. Udaleko langabetuak honako prozesuan txertatu: informazioa, beren egungo egoeraren Diagnostikoa, Lanerako orientazioa; eta azkenik PRESTAKUNTZA programak abian jarri.
• Langabetuen lan esperientzia handitu. Arloak hainbat instituziorekin lankidetzan (Lanbide, Eusko Jaurlaritza, Foru Aldundia,...) bultzatutako ENPLEGU eta PRESTAKUNTZA-ENPLEGU Programek, langabetuen praktika profesionala errazten dute, gaur egungo lan merkatura gerturatuz. 
• Langabetuen norberaren konturako okupabilitatea hobetu. Aberastasuna sortzeko alderdi garrantzitsuenetariko bat, besteak beste, enpresa berrien sorrera da. Gaur egun, enpresak sortzeko prozesuan, ENPRESA IDEIA batean oinarritutako aholkularitza eta informazioa, langabeziaren arazoari aurre egiteko konponbide indibidual edota kolektiboa izan daitezke, AUTOENPLEGUAREN ikuspuntutik. Informa zaitez Arloan!
• Enpresa ehuna eta langabetuak harremanetan jarri. Egungo gizartean aldaketa prozesuak azkar ematen dira. Enpresen kasuan ere, horrela da. Hori dela eta giza baliabide kualifikatuak eta egungo nahiz etorkizuneko beharretara egoki daitezkeenak behar dituzte. ENPRESARI, langile beharrak detektatu eta zehaztu badituzu, Arloan profesional aproposei buruzko informazioa eskainiko dizugu.