Portugaleteko Udalak Herritarren Arreta Zerbitzua jarri du martxan, San Roke plazan zabaldu berri duen Herritarren Arretarako Bulegoan, asmoa delarik herritarrei hurbiltzea, informazioa eskaintzea eta izapideak eraginkortasunaz eta arduraz egitea. 

Bulego berriak, beraz, ateak zabalik ditu portugaletear guztientzat. Ordutegia hain beharrizanetara egokitu baitu eta udal kudeaketak egiteko langile adituen laguntza izango dutelarik.

Herritarren Arretarako Bulegoa beste urrats bat da, Portugaleteko Udala garatzen ari den Modernizazio Planean. Kudeaketa bikaina eta teknologia berrien aldeko apustu garbia ere lagungarriak izango zaizkigu administrazio moderno eraginkorrerantz abiatzen garelarik.

Bulegoaren helburuak

• Kudeaketa erraztea eta herritarrei giza baliabideak eta baliabide teknologikoak ere hurbiltzea.
• Herritarren eta Udalaren arteko harremana erraztea.
• Zerbitzu oso-osoa eskaintzea.
• Administrazioa modernizatzea eta teknologia eta antolabide berriei egokitzea.

Bulegoaren abantailak

• Langile adituek banakako arreta eskainiko dizute eta zure zalantza eta galdera guztiei erantzungo diete.
• Bulegoko langileak gai dira informazioa eta aholkua emateko eta herritarrari izapide guztietan laguntzeko.
• Informazioa eskaintzen du gune bakar batean Udal osoaren izapide, zerbitzu eta jarduerei buruz.
• Izapide ohikoenak osorik egiten ditu.
• Oharrak, iradokizunak eta kexak hartzen ditu.
• Arkitektura-oztoporik ez dauka.
• Ordutegi zabal-zabala du: astelehenetik ostiralera 14:30etatik 20:15era eta larunbatetan 9:00etik 13:45era.

Bulegoak informazioa ematen du

• Portugaleteko Udalari eta udalerriari buruzko guztiaz:
• Udalean egin daitezkeen izapide guztiak, kasu bakoitzean bete beharreko arauak eta erabili beharreko agirien ereduak.
• Udal sail eta bulego guztien helbideak eta telefonoak, eta larrialdietarako telefonoak ere bai: polizia, suhiltzaileak, anbulantziak, etab.
• Informazio zehatzagoa: prestakuntza-ikastaroak, enplegu publikoaren eskaintzak, kontratu publikoak, etab.

Izapideak ere egin ditzakegu bulegoan bertan

• Agiriak erregistratzea. Bulegoak bideratuko ditu agiri horiek Udal zerbitzuetara.
• Eskaera mota guztiak, Udalaren edozein sailetarakoak; esaterako:
  • izena ematea Udalak antolatzen dituen jardueretan
  • Udalaren diru-laguntzak eskatzea
  • Udal sail guztietako (Hirigintza, Kultura, Gizarte Zerbitzuak...) espedienteak irekitzea
• Inprimaki eta eskabide-orriak jasotzea, udal prozedura guztiak egiteko.
• Erroldako agiriak banako zein taldeenak.
• Zergak eta tributuak ordaintzea.
• Hauteskunde-zentsua aztertzea.

Eta beste zerbitzu batzuk ere ematen ditu

• Gure kexak eta iradokizunak hartuko ditu.
• Udalak argitaratzen dituen esku-orriak ditu eskuragarri.
• Aurretiko zitak ere ematen ditu langile adituekin. Zure kontsultak teknikari aditu baten arreta behar badu, bulegoko langileek lagunduko dizute zita hori eskatzen.